समाजासाठी व जिल्ह्यासाठी कायम सोबत ; आमदार लक्ष्मण पवार
मराठा आरक्षण धडक मोर्चात भाजपाचे गेवराई मतदार संघाचे लोकप्रिय आमदार लक्ष्मण पवार यांनी सहभाग घेतला होता. भाषणा दरम्यांनी सांगितले की, मराठा समाजाच्या व जिल्ह्याच्या कोणत्याही प्रश्‍नांवर मला आवाज द्या, मी कायम सोबत आहे. यासह इतर प्रश्‍नांवर त्यांनी यावेळी लक्ष केंद्रीत केले होते. आमदार लक्ष्मण पवार हे मोर्चाच्या सुरुवाती पासून ते मोर्चा संपे पर्यंत उपस्थिती होते. यासह मागण्यांचे निवेदन जिल्हाधिकारी यांना देताना सुद्धा ते हजर होते.
मुस्लिम बांधवांनी केली पुष्पवृष्टी
मराठा आरक्षण धडक मोर्चा हा डॉ. बाबासाहेब आंबेडकर चौकातुन प्रारंभ झाल्यानंतर माळवेस, बलभीम चौकातुन कारंजा रोडने येत असताना याठिकाणी मुस्लिम बांधवांनी आमदार सुरेश धसांवर फुलांची वर्षाव करत स्वागत केले. यावेळी हा सर्व परिससरात आनंदाचे वातावरण निर्माण झाले होते. यावेळी आमदार सुरेश धस यांनी सर्व बांधवांचे आभार मानले.
लग्न आमच्या बरोबर व मंगळसुत्र दुसऱ्याचे : आमदार धस
मोर्चा जिल्हाधिकारी कार्यालय परिसरात आल्यानंतर आमदार सुरेश धस यांनी विविध विषयांना हात घातला. यावेळी त्यांनी थेट शिवसेनेवर निशाना साधला ते म्हणले लग्न एका बरोबर केले व मंगळसुत्र दुसऱ्याचे घातले. यासह त्यांनी राज्य सरकारच्या व जिल्हा प्रशासनाच्या कामचा चांगला आढावा घेतला. त्यांनी यावेळी जिल्ह्यातील विविध प्रश्‍न उपस्थित केले. आमदार सुरेश धस यांनी मोर्चासाठी चोक नियोजन केले होते.
पोलीस प्रशासनाचे चोख नियोजन
सण असो किंवा नेत्यांचे दौरे किंवा मोर्चे पोलीस बांधव आपले काम चोक पणे निभावत असतात. आज शहरात पार पडलेल्या मराठा आरक्षण धडक मोर्चाच्या अनुषंगाने बीड जिल्हा पोलीस दलाने चोक नियोजन केले होते. मोर्चाच्या मार्गावर जागो जागी पोलीस बंदोबस्त तैनात करण्यात आला होता. पोलीस अधिक्षक आर.राजा, अपर पोलीस अधीक्षक सुनिल लांजेवार, पोलीस उपअधिक्षक संतोष वाळके, स्थानिक गुन्हे शाखेचे प्रमुख पोलीस निरीक्षक भारत राऊत यांच्यासह इतर अधिकाऱ्यांनी व कर्मचाऱ्यांनी मोंर्चा शांततेत पार पाडण्यासाठी योग्य नियोजन केले होते.
